भिडे गुरुजींनी तरुणांना हेच शिकवले काय ?

एक भाऊ आपल्या अर्धवट बेशुद्ध बहिणीला कसाबसा सावरत रायगड किल्ला उतरत होता आणि .....

भिडे गुरुजी तरुणांना चुकीच्या मार्गावर नेतात असा आरोप काही विशिष्ट लोकांकडून नेहमी होत असतो. अशा वेळी सत्य काय हे जाणून घेण्याचा प्रयत्न फारच कमी लोक करत असतात.

यंदाच्या ज्येष्ठ शुद्ध त्रयोदशी म्हणजेच तिथी नुसार साजरा होणाऱ्या शिवराज्याभिषेक दिनी किल्ले रायगडावर पावसाने दोन दिवस जोरदार हजेरी लावली होती. मात्र सतत दोन दिवस पडणाऱ्या पावसामुळे गडावर येणाऱ्या शिवभक्तांची संख्या कमी झाली नव्हती. अगदी ५ वर्षाच्या लहान मुलापासून ते वयोवृद्ध शिवभक्तांनी रायगडावर आपल्या शिवछत्रपतींच्या राज्याभिषेकास हजेरी लावली होती.

राज्याभिषेक झाल्यावर शिवभक्त रायगड उतरत असताना कोणा अज्ञात इसमाने बातमी पसरवली की 'रायगडावरील धबधब्यामुळे वाट वाहून गेली आहे'  या चुकीच्या बातमीमुळे पोलिसांनी रायगडाचा महादरवाजामधील मुख्य प्रवेशद्वार बंद केले. रायगड उतरत असणाऱ्या लोकांची महादरवाजा येथे गर्दी होऊ लागली. ६ जूनला चुकीच्या नियोजनामुळे झालेली चेंगराचेंगरी पोलिसांनी लक्षात घेउन दरवाजा बंद करण्याचे उचललेले पाऊल आणखी गोंधळ निर्माण करु लागले होते.

उपस्थित प्रत्येक शिवभक्तांनी सयंम पाळून ४ तास शांतता राखली. या लोकांमध्ये आदरणीय संभाजीराव भिडे गुरुजी यांचे धारकरी मोठ्या संख्येंने होते. त्यांनी काठ्या धरून टपटप्प्याने लोकांना खाली जाण्यास मार्ग करून दिला.

महादरवाज्याच्या खाली नक्की काय घडल आहे याची योग्य माहिती कोणाकडेच नव्हती. शेवटी शिवप्रतिष्ठानच्या धारकऱ्यांनी खाली जाण्याचा निर्णय घेतला. सोबत जाडजूड रशी घेउन मुंबईचे प्रभाकर शिंदे, महाडचे धारकरी सिध्देश मोरे, पराग बाठे, दुर्गवीर प्रतिष्ठानचे अजित राणे आणि काही शिवभक्त खाली उतरून जिथ धबधब्याचा जोर वाढला होता तिथ रशी बांधून काही धारकरी स्वतः त्या पाण्यात उभे राहून एक एक करत लोकांना खाली सोडायला मार्ग करून देऊ लागल्यावर शेवटी वर ४ तास थांबलेल्या गर्दीचा राग कमी झाला आणि रात्री ७ वाजता गडावरील गर्दी पूर्णपणे कमी झाली.

मुंबईचे शिवप्रतिष्ठानचे प्रमुख मंगेशदादा केनी आणि दिपक खामकर हे सगळ्यात शेवटी त्या धबधब्यात थांबणारे धारकरी पोलिसांनी 'आता गड रिकामा झाला आहे वर आता कोणी नाही' असे सांगितल्यावर खाली उतरायला जाणार इतक्यात दोन व्यक्ती त्यांना गडावरुन उतरताना दिसले. एक भाऊ आपल्या अर्धवट बेशुद्ध बहिणीला कसाबसा सावरत रायगड किल्ला उतरत होता. धारकऱ्यांनी विचारपूस केल्यावर कळले की पाऊस आणि थंडी सहन न झाल्याने मुलीला सारखी चक्कर येउन ती बेशुद्ध पडत होती. त्या मुलीच्या भावाला धीर देत धारकऱ्यांनी त्या मुलीला खांद्यावर घेउन रायगड उतरण्याचे ठरवले.

मध्येच कुठे थांबून त्या मुलीच्या हाताला पायाला मालिश करत तीला जागे ठेवण्याचा प्रयत्न करत होती.  मध्येच त्या मुलीची दातखिळी बसली. त्यावर तिला कांदा नाकाशी धरून कसबसं शुध्दीत ठेवून धारकऱ्यांनी खाली आणलं. पोलिसांना विनंती केल्यानंतर त्यांच्या गाडीतून महाड येथे उपचारांसाठी पाठवले.

मंगेश केनीशी या सर्व घटनांबद्दल विचारले असता त्यांनी अत्यंत ह्रदयस्पर्शुन जाणारे सत्य कथन केले,
" सर्व गड रिकामा झाला होता.... सर्वात शेवटी आम्ही होतो. कसं काय आम्हाला ते दृश्य दिसलं आणि आम्ही क्षणाचाही विचार न करता त्या ताईला मदत करायची ठरवल. आम्ही जर लगेच माघारी फिरलो असतो तर त्या दोघांना मदत मिळणे अशक्य होतं.... त्या भावाने काय केले असते ? आमच्या मागून उतरणारे कोणीच नव्हते ... आज आम्ही जे त्या ताईंसाठी केले ते आमच्या आदरणीय भिडे गुरुजींच्या शिकवणीमुळेच.  काही विशिष्ट लोक म्हणतात की भिडे गुरुजी तरुणांना चुकीच्या मार्गावर नेतात ....  हा आम्ही स्विकारलेला मार्ग जर चुकीचा असेल तर तो आम्ही सतत स्विकारु आणि आमच्या मायभगिनींना सतत सहकार्य करत राहू मग कोणी कितीही आम्हाला विरोध केला तरी आम्हाला हाच शिवछत्रपतींच्या आणि संभाजी महाराजांच्या मनात उतरणारा मार्ग कधीही मान्य असेल !"

धारकऱ्यांनी केलेल्या या कार्याबद्दल रायगडावरील पोलिसांनी या धारकऱ्यांचे आभार मानलेच तसेच महाराष्ट्रभरात या सर्व घटनांवर भिडे गुरुजींच्या धारकऱ्यांनी केलेल्या सहकार्याचे कौतुक होत आहे !

संभाजीराव भिडे गुरुजींनी त्यांच्या तरुण धारकऱ्यांना दिलेली शिकवण रायगडावरील हजारों शिवभक्तांनी पाहिली आणि अनुभवलीही. कोणी कितीही म्हणू दे की भिडे गुरुजी तरुणांची माथी भडकवतात पण जर माथी भडकवणे म्हणजे स्वतः थकलेले असतानाही समाजाला उपयोगाची कामे करणे असेल तर अशी माथी भडकावणे कधीही योग्यच असेल !!!