दिव्यदृष्टी / Divyadrushti

.              गो - ब्राह्मणप्रतिपालक  शिवछत्रपतींनी देवाचे, धर्माचे, देशाचे, गाईंचे, प्रजेचे, ब्राह्मणांचे, आणि स्त्रीयांचे रक्षण केले हे ऐतिहासिक सत्य आहेच ....  पण ... शिवकाळात शिवछत्रपतींनी जेव्हा सिंहासनारोहण केले तेव्हा त्यांनी स्विकारलेली बिरुदावली 'क्षत्रिय कुलावतंस सिंहासनाधिश्वर छत्रपती शिवाजी महाराज' हीच बिरुदावली स्विकारली होती हेही सत्य आहे जे कोणीही नाकारत नाही .... तरीही .... जसे समर्थ रामदास स्वामी यांनी शिवछत्रपतींना उद्देशून त्यांना ' शिवराय, श्रीमंत योगी, जाणता राजा संबोधतात कारण समर्थ रामदास स्वामींना शिवछत्रपतीं त्याच रुपात दिसले म्हणून ते तस म्हणतात. तसेच छत्रपती संभाजी महाराजांनी त्यांच्या बाकरे शास्त्रींच्या दानपत्रात शिवछत्रपतींचा उल्लेख म्लेंच्छक्षयादिक्षित , आपले पणजोबा मालोजीराजे भोसले यांचा उल्लेख देवब्राह्मण प्रतिपालक असा उल्लेख करतात. आपल्या आजोबांचा शहाजीराजांचा उल्लेख हिंदू धर्माचा जीर्णोद्धार करणारे म्हणतात याचा अर्थ स्पष्ट आहे की, संभाजीराजांना हे ठाऊक आहे की, शिवरायांनी म्लेंच्छ म्हणजेच मुसलमानांना संपवण्य...

प्रसिद्ध इंग्रजी नाटककार शेक्सपियर याच्या ' हॅमलेट ' या जगप्रसिद्ध नाटकात डेन्मार्क देशाचा राजपुत्र हॅमलेट याच्या चुलत्याने राज्यकर्ता आपल्या सख्ख्या भावाचा म्हणजे हॅमलेटच्या वडिलांचा खून करून व आपल्याच भावाच्या पत्नीशी हॅमलेटच्या आईशी लग्न करून राजगादीही बळकावली होती. आपल्या वडिलांना मृत्यू प्रसंगी दिलेला शब्द पाळायचा आणि त्या पापी नराधमाचा वध करून वडिलांच्या ऋणातून पुत्रधर्मातून मुक्त व्हावे, कि सख्या चुलता, आपल्या आईचा दुसरा नवरा आपला सावत्र बाप, आणि तख्तावर विराजमान असलेला राजा म्हणून त्याची गय करावी या द्विधा मनस्थितीत पडून कोवळ्या मनाच्या तरुण हॅमलेटची काय अवस्था झाली यावर ते नाटकं आहे.  ' to be or not to be .... जगावं कि मरावं ' अशा विवंचनेत त्या बिचाऱ्या हॅमलेटला वेड लागून त्याचा अंत झाला .... असं ते जगप्रसिद्ध नाटकं उभ्या जगाने डोक्यावर घेतलं ! आपण भारतीय नेहमीच दुसऱ्या परदेशी लोकांवर जास्त विसंबून राहतो आणि ते काय लिहितात सांगतात यावर फार लक्ष देतो. आपल्याकडे काय चांगल आहे याचा आपण भारतीय फार विचार करत नाही ! महाभारतात ऐन युध्दभुमीवर अर्जुनाने समोर...

हिंदू मंदिरांचे सरकारीकरणाचा आदेश मागे घेतला गेला नाही तर श्रीशिवप्रतिष्ठान हिंदुस्थान तर्फे आंदोलनाचा इशारा बेळगाव: बेळगाव शहर सोबतच इतर १६ जिल्ह्यातील प्रसिद्ध देवस्थानांवर सरकारी प्रशासक नेमण्याचा आदेश धर्मादाय विभागाने दिला आहे. प्रशासनाच्या या आदेशामुळे भाविकांमध्ये तीव्र संतापाची लाट उमटत आहे. हिंदू मंदिरातील सरकारी हस्तक्षेपाला भाविकांनी विरोध केला आहे. फक्त हिंदू मंदिरांचे सरकारीकरण करून चर्च आणि मशीदींना वगळण्यात आले आहे. या सर्व प्रकाराचा श्रीशिवप्रतिष्ठान हिंदुस्थानने जाहिर निषेध नोंदवला आहे.  हिंदूचीच मंदिरे ताब्यात घेताना सरकारमध्ये धमक असेल तर त्यांनी मुसलमान, ख्रिश्चन यांचीही धार्मिक स्थळे सरकारने आपल्या ताब्यात घेऊन त्यांचे सरकारीकरण करून दाखवावे.  आणि जर तसे करण्याची धमक सरकारमध्ये नसेल तर त्यांनी मंदिरांचे सरकारीकरण रद्द करा. हिंदूंच्या मंदिरातील पैसा अल्पसंख्याकावर उधळत आहेत. हिंदूचे शोषण आणि अल्पसंख्याकांचे लांगुलचालन करणारे हे सरकार आहे. हिंदू मंदिरांचे सरकारीकरण आदेश मागे घेतला गेला नाही तर शिवप्रतिष्ठानतर्फे आंदोलनाचा इशारा बेळगाव जिल्हा प्रम...

आदरणीय श्री. संभाजीराव भिडे गुरुजी हे नाव महाराष्ट्राला नविन नाही. त्यांच्या श्रीशिवप्रतिष्ठान हिंदुस्थान या संघटनेचे कार्य उभ्या महाराष्ट्रात सुरु आहे. तरुणांमध्ये श्रीशिवछत्रपती - श्रीसंभाजीमहाराज रुजवण्याचे काम त्यांचे धारकरी अत्यंत तळमळीने करत असतात. या संघटनेत पद पैसा आणि प्रसिद्धी या गोष्टीना अजिबात थारा नाही. संपूर्ण वर्षभरातील त्यांचे उपक्रम ठरलेले आणि नियोजित असतात.  भिडे गुरुजींच्या शिवप्रतिष्ठानच्या कार्यात येउन ज्यांना अनेक वर्षे झाली असे मुंबई विभागाचे प्रमुख बळवंतराव दळवी यांनी दिलेली ही माहिती   "२०१८ ... ठाण्यातील बैठकीसाठी मुंबईतून आदरणीय गुरुजींना घेऊन मी ठाण्यात एका धारकरी बंधूच्या घरी पोहचलो.  मुंबईतून आलेल्या धारकऱ्यांनी जेवण करून घेतलं... पण गुरुजींनी "माझा आज उपवास होता तो आज सकाळीच सुटला आता मी अन्नप्राशन करणार नाही  !" असं ठामपणे म्हटले आणि एका बाजूला वर्तमानपत्र वाचत बसले. थोडा निवांत वेळ मिळताच मी गुरुजींच्या समोर बसलो... अनेक दिवसांची घालमेल त्यांच्यासमोर मांडली..... "गुरुजी, मुंबईची जबाबदारी माझ्याकडून काढून कोणा दुसऱ्याव...

.....असे अगणित क्षण ज्या गडाने पाहिले.. जो या अमुल्य इतिहासाचा भाग आहे... नाही ती अविभाज्य घटना आहे... असा हा रायगड ...      कर्नाटकाच्या स्वारीवर जाण्यापुर्वी सोयराबाईंनी शिवछत्रपतींकडे संभाजीराजे आणि राजाराम यांना एकत्र रायगडावर ठेवू नका म्हणून सुचविले होते. सोयराबाईचे हे म्हणणे महाराजांना पटणारे नव्हते पण ... नाईलाजाने त्यांनी ते मान्य केले आणि कर्नाटकात निघण्यापूर्वी महाराजांनी सभा भरविली. महाराज सिंहासनावर बसलेले असताना युवराज संभाजीराजे तिथे गेले. शंभूराजांनी आपल्या वडिलांच्या पायावर डोके टेकवले. महाराजांनी त्यांना आपल्या जवळ बसण्याचा आग्रह केला. पण राजनीतीचा अभ्यास केलेले संभाजीराजे त्यांच्या बाजूला बसले नाही. शिवछत्रपतींनी आपल्या ज्येष्ठ मुलाकडे पाहात म्हणाले, "बाळा, मला हे राज्य कसे मिळाले ते ऐक. माझे बुध्दीमान वडील शहाजीराजे माझी सामुद्रिक लक्षणे पाहून श्रेष्ठ राजनीतीचा विचार असल्यामुळे त्यांनी मला उद्देशून म्हणाले ,  "मोठे असले तरी हे राज्य मला पुरेसे नाही. तेव्हा तू अन्य राज्याच्या प्राप्तीसाठी उद्योगाला लागले पाहिजेस. माझी इतरही मुले आहेत. त्...

  गेली २० वर्षे सातत्याने किल्ले रायगडावर जाणारे शिवचरित्र अभ्यासक बळवंतराव दळवी यांनी स्वतः किल्ले रायगडावर पाहिलेल्या त्या सर्व अपरिचित तोफांची माहिती देताना आमच्या प्रतिनिधींशी केलेला हा संवादपर माहिती लेख... "वि.वा. जोशी यांचे १९२९ साली लिहिलेल्या   'राजधानी रायगड' या पुस्तकात रायगडावरील तोफांविषयी लिहिलेले आहे. त्यांना १४ ते १५ तोफा  रायगडावर  आढळल्या होत्या. त्यानंतर १९६२ साली शा. वि. आवळस्कर यांच्या 'रायगडाची जीवनकथा' या पुस्तकात १७ तोफांविषयी जुजबी माहिती आहे. गो. नी. दांडेकर यांनी १९६५ साली लिहिलेल्या ' शिवतीर्थ रायगड ' या पुस्तकात त्यांनी रायगडावरील १५ तोफांविषयी बरीच व्यवस्थित आणि विस्तृत माहिती लिहिलेली आहे. आज रायगडावर १५ तोफा दिसतात.   परंतु शिवकालात बहुत तोफा असल्या पाहिजेत. बहुधा त्यातील बऱ्याचशा इंग्रज आणि पोतुगीजांकडून घेतलेल्या असाव्यात. इंग्रज - पोतुगीजांकडील तोफा चांगल्या उत्तम घडणींच्या असतात हे शिवछत्रपतींना माहित होते. नसत्या गोष्टीत स्वदेशीचा अभिमान धरण्याइतके ते हेकट कधींच नव्हतें.  तोफांनी स...

ज्यांना शिवभारतावर विश्वास नाही, जे जेधे शकावली मानत नाही पण जे महात्मा जोतिराव फुलेंना मानतात त्यांच्यासाठीच हा छोटा लेख मांडत आहे. लेख पूर्ण वाचूनच आपले मत मांडावे ही नम्र विनंती राहिल. आज अनेक जण इंग्रजी तारखेनुसार श्रीशिवछत्रपतींची जयंती साजरी करताना १९ फेब्रुवारीला पहिल्यांदा शिवजयंती साजरी करणारे म्हणून महात्मा फुलेंचा उल्लेख करतात . आणि हे पटवून देण्याकरिता एका चित्रपटातील video दाखवला जातो त्यात महात्मा फुलेंनी १९ फेब्रुवारी १८६९ ला पहिली शिवजयंती साजरी केल्याचं दाखवलं, सांगितले जातं. पण ..... आता स्वतः महात्मा जोतिराव फुले त्यांनी शिवछत्रपतींवर लिहिलेल्या पोवाड्यात काय लिहितात हे पाहू .... पंधराशे एकूण पन्नास साल फळलें  जुन्नर ते उदयांशी आले | शिवनेरी किल्ल्यांमध्यें बाळ शिवाजी जन्मलें जिजीबाइस रत्न सापडलें || १८६९ साली लिहोलेल्या या पोवाड्यात महात्मा फुले शिवजन्माचा उल्लेख करतात तो १५४९ चा. इथे १५४९ हे शिवजन्माचे इंग्रजी साल नसून ते शालिवाहन शके १५४९ या शिवजन्माच्या हिंदू तिथीचे वर्ष आहे  . आणि जुन्या किंवा पारंपरिक शिवजयंतीचे साल १६२७ आणि शके...